My Cart

Close

2019情人節5大白Tee

Kin Lai

Posted on February 07 2019

2019情人節5大白Tee
新年接住之後就係情人節啦!仲有一個星期咋,咁多位諗好送咩俾另一半未呢?
臨急抱佛腳嘅各位女朋友仔,等我介紹返5款白Tee俾你哋,揀返啱嗰款俾你哋嘅至愛啦!😘😘
禁入去張圖度睇多啲詳情啦﹗

陽光運動型
如果你親愛嘅男朋友仔係一個鍾意戶外活動嘅人,Merb b.207就岩晒佢啦!呢個德國嘅品牌著重舒適透氣,雖然係7.8oz嘅重磅tee,但係係以loopwheel編織嘅關係,摸上手非常軟熟﹗除此之外,喺腋下位置加咗三角貼布,為嘅就係可以通爽透氣同埋方便郁動,絕對係運動人士嘅必備﹗

慳家節儉型
驚買太貴重嘅禮物會令男朋友仔肉赤你?送Gildan Hammer俾佢就唔洗怕啦!
$100都唔洗就可以送一件得體又高質嘅白Tee啦!國際知名嘅服飾品牌Gildan,產量係全球頭嗰幾位,所以可以製作出性價比超高嘅白Tee,6.1oz嘅Hammer,滑身得黎又唔會透,同時唔會太厚好侷促,無論單穿定打底都一樣適合!

低調文青型
如果你嘅另一半係低調得黎又帶有文青風采嘅,我推薦你送EIJI Organic Ultimate Pima Cotton V Neck俾佢。採用有「棉花中的cashmere」之稱嘅比馬棉,觸感舒服柔滑,完全符合品牌理念:著住佢好似著住自己嘅皮膚一樣!而且有兩個低調小細節,一個係V領領口嘅小設計,另一個係背部嘅線位。將平日兩側嘅車線縫製咗係背部,除咗係一個低調嘅小設計之外,而且仲係一個功能性嘅設計,就係可以減低白Tee喺洗後變形嘅機會!


健碩肌肉型
Goodwear 7.2oz Heavyweight Henley Neck屬於美國cutting,而且剪裁挺身,襯喺各位大隻仔身上最適合不過!7.2oz重磅白Tee,摸上手實淨厚實,唔會透底,純棉布料但有麻質嘅觸感,嗰種粗獷嘅感覺好啱各位身形健碩嘅男士,再加埋享利領嘅設計,嗰種佬味出晒黎!黎!快d黎俾d掙扎佢!


時尚品味型
最後,如果你嘅另一半追求生活品味同高品質,我只能夠推薦你本店嘅震店之寶,Look Sea Cotton & Silk Crew Neck Pocket。外面係36%嘅棉,裡面係45%嘅絲,再加上19%嘅Polyester(聚酯纖維) 滑不溜手嘅觸感一定可以令佢一試難忘,而且絲質特性冬暖夏涼,優雅之餘亦都不忘實用,襯晒你哋嗰個著重生活質素嘅另一半!


講咗咁多,希望帶到一啲頭緒俾你哋去揀適合另一半嘅禮物啦!如果都係諗唔掂,歡迎聯絡我哋,一齊集思廣益咁討論下咩款適合你哋嘅至愛啦!